သပ်သပ်ရပ်ရပ်.. ချဲ့ထွင်တာက စပြီး… စတင်ထွက်ခွာချိန်အထိ။ အရောင်အဆင်းမရှိ၊ အဲ့ဒိလို ပျက်ပျက်ကျနေတာတွေက ဆိုးတယ်။ မှန်ပြောင်းနှင့် ကြည့်မှ မြင်ရမယ့် ၎င်းတို့စိတ်အခြေအနေတွေ ငြိမ်သက်စွာ လှုပ်ရှားပေါင်းစပ်နေလေရဲ့။ ရှက်သွားမှာစိုးလို့ ကိုယ်တိုင်ကိုယ်ကျ မဲနက်ခြင်း ကုထုံးအသစ်တစ်ခု။ ပြတ်တောက်ပြီးမှ ဘာမှတန်ဖိုးမရှိတော့တဲ့ ရည်မှန်းချက်များ အားနည်းတဲ့အခါ..စွဲဆောင်မှုအားကောင်းတဲ့ ငြင်းဆိုခြင်းများက အခွင့်အလမ်း အဖြစ်ရှိနေပါသေးတယ်။ မျိုးစိတ်ဖြတ်စများသည် တဖြည်းဖြည်း ပြန်လှည့်သွားကြ၏။ အဆက်သွယ်ပြန်ရရင် ရုပ်မြင်သံကြားဟာ တနင်္ဂနွေထဲ ဘယ်တော့မှ ပြန်ခုန်ဆင်းမှာ မဟုတ်ဘူး။ ‘ဒုတိယအကြိမ်မြောက် ကမ္ဘာကြီး၏ နှင်းဆီစုံညီပွဲတော် သီချင်း’။ သုံးမြှောင့်ဖန်တုံးရဲ့ ဘယ်သူနဲ့မှ မတိုင်ပင်ထားတဲ့ မြို့ပြ။ ကျွန်တော်တို့ ခဏ ရပ်လိုက်ကြမှာလား ဆက်ပြီးဆော့ရအုံးမှာလား။ သစ္စာဖောက် ဖိနပ်တွေရဲ့ နွေတစ်ခင်းစာ မိုင်တိုင်များကို ဘယ်လိုသွား…။ ဂမ္ဘီရမာယာ ဘက်ထရီအိုးတွေ မျက်စိအောက်က အပျောက်မခံနိုင်အောင် စောင့်ရှောက် သကဲ့သို့..။ ဒါပေမယ့် သောင်ပြင်မှာ သူသိမ်မွေ့နေပုံကတော့ ကျောအသပ်ခံရတဲ့ ကြောင်သေတစ်ကောင်လိုပဲတဲ့။ အရာဝတ္ထုတွေကို သိမြင်မှုနဲ့ အဲ့ဒိသိမြင်မှုက သတ်မှတ်ထားတဲ့ စကားလုံးတွေကြားက ဆက်သွယ်နေမှုက ဓမ္မဓိဌာန်ကျပြီး ခိုင်မာမှုရှိရမယ်။ (၁) မှန်ကန်စွာ မှားယွင်းနေပါတယ်။ (၂) ရိုးသားစွာ ကောက်ကျစ်ခြင်း ဖြစ်ကြောင်း (၃)သတ်မှတ်ချက် ပြည့်မှီသော လိုအပ်ချက်များ စသည်တို့ ဖြစ်သည်။ ဝါကျအဆုံးတွင် ပုဒ်မကို ချန်ထားခဲ့သည်။ သင်ပေါင်မုန့်ဘယ်ဖက်က ထောပတ်သုတ်ထားသည်ကို သိထားလျှင် ချောမွေ့စွာ စခန်းသွားနိုင်မည်။ ဒီလူတွေ ယုံကြည်ထားသလို နှစ်ကာလများကို ခါယမ်းအန်ထုတ်ချင်သည်။ လွတ်ကျသွားသော ဖျားယောင်းသွေးဆောင်ခြင်းများ ဖြစ်၏။ ဒီမှတ်တိုင်ပြီးရင် နောက်ထပ်.. နောက်ထပ် မှတ်တိုင်များ။ ဆုံးရှုံးသွားပြန်ပြီ စက္ကူနာရီလေးတွေ၊ ကြေငြာချက်တွေနှင့် ဆိုက်ဒ်နံပါတ်ခပ်သေးသေး မတော်တရော် မိန်းကလေးများ ဖြစ်၏။ ပေါ်ပြူလာ ဧကဝုစ်ဝါဒကို စမ်းသောက်ကြည့်ရအောင်။ ခြားနားချက်များ၏ ရယ်ဒီမိတ် ၉၆ပါး ရောဂါများအတွက် တိတိကျကျ စမ်းသပ်မှုတစ်ခု မဟုတ်ပါဘူး။ ချို့ယွင်းနေသော အက္ခရာများရဲ့ မောင်းနှင်ချေဖျက်မှုတွေ တစ်စိတ်တစ်ပိုင်းပါတယ်။ ထပ်ကာ ထပ်ကာ နားထောင်တာ ၆၅ခါ မကတော့ဘူး။ ဒီလိုပါ ကျွန်တော် ပြောချင်တဲ့ အကြောင်းက ကိုယ်ချင်းစာတရားတွေနဲ့ ရက်လနှစ်တွေ အကြောင်း။ ‘နှုတ်ဆက်ပါတယ်၊ မနက်ဖြန်မှတွေ့ကြတာပေါ့’။ လွမ်းစရာကောင်းတဲ့ မျဉ်းကွေးရဲ့ ရှင်သန်ခြင်း နည်းလမ်းကို သိပ်စိတ်ဝင်စား လာကြတယ်။ အဟောင်းကိုပယ်ပြီး အသစ်ကို နေရာပေးသူ၊ လောလောဆယ်မှာ ခင်ဗျားက အသစ်ပေါ့။ ဝေးကွာခြင်း မှတ်တိုင်များကို သုတေသနပြုကြည့်ခြင်းဖြစ်ပါသည်။“ကျေးဇူးပြု၍ လူကြီးမင်းများ ခင်ဗျာ….”..။

ဒီပန်းချီကားကိုကြည့်ရတာ ဘာအရောင်မှ မပါဘူး…
မျက်မြင်သက်သေအဖြစ် မျဉ်းတားထားသော ဧရိယာများဖြစ်တယ်….။
လူ့မယဉ်ကျေးများ၏ ငွေကြေးနှင့် ပါဝါချိတ်ဆက်ထားသော စနစ်ဖြစ်သည်။
a²=b²+c²
ကိုယ်စားပြုနိုင်ခြင်း၏ ဆန့်ကျင်ဘက် သဘောတရားများကို တွန်းကန်ကြခြင်းဖြစ်၏။
မြို့ကြီးပြကြီးများရဲ့ အရသာဟာ ချွေးတလုံးလုံး ကျခြင်းပါပဲ…
လိမ္မာပါးနပ်စွာ နစ်မြုပ်နေသော မူကွဲရှိတဲ့ ဖွဲ့စည်းတည်ဆောက်ပုံဖြစ်ပါတယ်…
ကန့်သတ်မှုရှိတဲ့ လိုအင်ဆန္ဒတွေ ဖြစ်တယ်..
တပြိုင်နက်တည်းမှာပဲ..
ခြေလှမ်းများကို ရုတ်သိမ်း လိုက်ကြရတယ်…
ခပ်ဝေးဝေးကနေ တရိပ်ရိပ်နဲ့ မစိုက်ပျိုးရသေးသော ယာခင်းတွေဆီ…
ခုတ်မောင်းပြီးရင်းခုတ်မောင်း ရထားဟာ အိမ်ပြန်လမ်းတလျှောက်လုံး
အားကိုးရာမဲ့လာခဲ့ရသလို….
နှစ်ခုစလုံးမဟုတ်ခဲ့ဘူးဆိုရင် တစ်ခုပြီးတော့ တစ်ခု
မညီညွှတ်မှုတွေကို နားချအုံးမှပဲ..
ကာလအတန်ကြာတဲ့အထိ ကျွန်တော် ဘာတွေပြောနေခဲ့တာလဲ
ဒေသန္တရ ၏ ရိုးသားမှုများကို သွတ်သွင်းခြင်းလား
ပိတ်ဆို့ထားသော အရင်းမြစ်တွေ အကြောင်းလား
လိုက်ဖက်မှုမရှိတဲ့ ဘက်လိုက်မှုတွေလား
(သိပ်တော့ အရေးမကြီးတော့ဘူး ထင်တယ်)
အားလပ်ရက်တွေကို ဘွတ်ဖိနပ်ထဲ ထည့်ဝှက်ထားလိုက်ပါ..
အပေါစားရုပ်ရှင်လက်မှတ် တစ်စောင်၊ ဓာတ်ခဲကုန်နေတဲ့ ရေဒီယို (ဝါ) လေဒီယို၊
သောက်လက်စ ကော်ဖီတစ်ခွက်၊ ရေးလက်စ ဘလော့ဂ်ပို့စ်၊ ဇေယျာလင်းစာအုပ်နဲ့
သောက်ကောင်မလေး တစ်ယောက်အကြောင်း…
ဒီနေ့ထုတ် သတင်းစာလား…
ဒီနေ့ ကြာသပတေးနေ့ မဟုတ်ဘူးဗျ…
မကြာခင်..ဗူဗူဇီလာနဲ့ အာဖရိက ဘောလုံးပွဲတွေပေါ့ဗျာ..
၂၄လက်မတဲ့…သူလဲ မကြာခင်…မကြာခင်..
ထပ်ပြီး မပြောခင်မှာ ထပ်ပြီး မပြောဖို့ တိုက်တွန်းချက်များကို ကျွန်တော် ပယ်ချပါတယ်..
သူ့အသုံးတည့်မှုနဲ့သူ နားလည်ပေးနိုင်ရလိမ့်မယ်…
ရက်သတ္တပတ်သုံးပတ် ကြာမြင့်ခဲ့ပြီးပြီ…
မတို့ထိရသေးသော အချက်အလက်တွေကို သိမ်းထားတာတွေရှိတယ်..
အုပ်စုဖွဲ့အနိုင်ကျင့်ခြင်းဟာ ခွေးအ တွေနဲ့ ဆင်ဆင် တူတယ်….
သစ်ပင်တွေကို တကယ်မချစ်တတ်ပဲ
ပတ်ဝန်းကျင် စိမ်းလန်းရေး ဟစ်ကြွေးနေတဲ့သူတွေကိုတော့ (လုံးဝ) အော်ဂလီဆန်တယ်။