ဒုတိယ​အကြိမ်​မြောက် ကျင်းပ​သော ဘား​ကမ့်​ရန်ကုန် မီ​ဒီ​ယာ ရှင်းလင်း​ပွဲ​ကို ယမန်နေ့​က အောင်မြင်​စွာ ကျင်းပ​ပြီးစီး​ခဲ့​ပါ​တယ်။ အဆို​ပါ​ပွဲ​ကို စာ​နယ်​ဇင်း​မှ သ​တင်း​သမား​များ နှင့် MRTV4 မှ လာ​ရောက် သ​တင်း​ယူ​ကြ​ပါ​တယ်။ မြန်မာ အင်​ဖို​တက်ခ်​တွင် ဖေဖော်ဝါရီ​လ ၁​၉​ရက်​နှင့် ၂​၀ ရက်​နေ့​များ​တွင် ကျင်းပ​မည် ဖြစ်​သော အဆို​ပါ ဒုတိယ အကြိမ်​မြောက် ဘား​ကမ့်​ရန်ကုန်​ပွဲ (မြန်မာ​နိုင်ငံ တစ်​နိုင်ငံ​လုံး​နှင့်​ဆို မန္တလေး​ပြီး​လျှင် တတိယ အကြိမ်​ဖြစ်) ကို ယခင်​နှစ်​အတိုင်း စည်း​ကား​သိုက်မြိုက်​အောင် ကျင်းပ သွား​မည် ဖြစ်​ကြောင်း သိရှိ​ရ​ပါ​တယ်။

အဖွင့်​အမှာ​စကား ပြော​ကြား​နေ​သော ဘား​ကမ့်​ဖြစ်မြောက်​ရေး​အဖွဲ့​ခေါင်းဆောင် ကို​သောင်း​စု​ငြိမ်း

ယခု​နှစ်​တွင် ရတနာ​ပုံ တယ်​လီ​ပို့၊Myanmar Blogger Society၊ Inforithm-maze၊ အင်​တာ​နက်​ဂျာနယ်၊ Prime artwork၊ Delux၊ kaspersky၊ Lenovo စ​သည့် ကုမ္ပဏီ​များ​၏ စ​ပွန်​ဆာ ပံ့ပိုး​မှု​ဖြင့် ကျပ်​သိန်း​တစ်​ရာကျော် ကုန်ကျ​ခံ​မည် ဖြစ်​ပါ​သည်။ အဆို​ပါ ဘား​ကမ့်​ရန်ကုန်​ပွဲ​မ​တိုင်​ခင်​တွင် မန္တလေးမြို့​တွင်​လည်း ပထမ​အကြိမ် ဘား​ကမ့်​ကို ဖေဖော်ဝါရီ​လ ၁​၂၊ ၁​၃ ရက်​များ​တွင် ကျင်းပ​မည် ဖြစ်​ကြောင်း သိ​ရ​ပါ​တယ်။

တက်​ရောက်လာ​ကြ​သူ​များ

ဖေဖော်ဝါရီ​လ ၁​၉၊ ၂​၀ တွင် ကျင်းပ​မည် ဖြစ်​သော ဘား​ကမ့်​ရန်ကုန်​သို့ တက်​ရောက်​လို​သူ​များ www.barcampyangon.org တွင် register စတင်​ပြုလုပ်​နိုင်​ပြီ ဖြစ်​ပါ​တယ်။ တက်​ရောက်​မည့် သူ​များ​ကို​လည်း ယခင်​နှစ်​က​အတိုင်း လက်ဆောင် ပစ္စည်း​များ ပေး​အပ်သွား​မှာ ဖြစ်​ပါ​တယ်။ ယခု​နှစ်​တွင် ယခင်​နှစ်​က အောင်မြင်​မှု​အတိုင်း ထိန်းသိမ်း​ထား​နိုင်​ရန် ဘား​ကမ့်​ဖြစ်မြောက်​ရေး​အဖွဲ့​မှ အထူး​ကြိုးပမ်း လျှက်​ရှိ​ကြောင်း သိရှိ​ရ​ပါ​သည်။