အမှန်တော့ ဒီတဂ်ကို ကိုကျော်ညိုသွေးက တဂ်ထားတာ ကြာလှပေါ့။ ကျွန်တော်လဲ သူပြောတုန်းကတော့ အားတက်သရော ရေးမယ် ဆိုပြီး အခု လုံးလုံးလျားလျား မေ့နေတာ။ ကျွန်တော်က ရန်ကုန်မှာ မွေးတယ်ဆိုတော့ ရန်ကုန်သား ပေါ့။ အဲ တစ်ခုတော့ ပြောချင်တယ်ဗျ တချို့တွေက နယ်မြေဒေသ အလိုက် ဒေသစွဲလေးတွေတော့ ရှိသဗျ။ ကျွန်တော့်မှာ အဲ့လို စိတ်ဓာတ်မျိုး မရှိဘူးဆိုတာ ကြိုပြောချင်ပါတယ်။ ကျွန်တော့် အမြင်ကတော့ ဘယ်ဒေသမှာ နေနေ တော်တယ်၊ ထက်တယ်၊ စိတ်ဓာတ်ကောင်းတယ် ရယ်လို့ တထစ်ချ ပြောလို့ မရပါဘူး။ ဒါဟာ ဒေသနဲ့လည်း မဆိုင်ပါဘူး လူတစ်ဦးချင်းစီရဲ့ ပင်ကိုယ် အရည်အသွေးနဲ့ပဲ ဆိုင်ပါတယ်။ ကျွန်တော် ရန်ကုန်မှာ အမေမွေးလို့ လူဖြစ်ပါတယ်။ တခြားမြို့မှာ မွေးရင်ကော တခြားမြို့သား ဖြစ်နေမှာပါပဲ။ အဓိကက ဘယ်နေရာမှာ ရောက်နေနေ၊ ဘယ်ဒေသက နေလာလာ ကျွန်တော်တို့ ရပ်တည်နေတဲ့ နေရာမှာ အကောင်းဆုံး နေထိုင် အသက်ရှင်ပြီး ရိုးသားကြိုးစား ဖို့သာ အရေးကြီးဆုံးပါ။

ကဲကဲ.. တခြားလေမရှည်ချင်တော့ဘူး။ ရန်ကုန်ပေါ် အမြင်တွေကို ပြောပြရရင်

(၁) နေထိုင်မှု

ကျွန်တော်တော့ ပျဉ်ထောင်အိမ်လေးနဲ့ နေထိုင်တယ်။ တချို့လူတွေက တိုက်ခန်းနဲ့ နေတယ်။ တချို့လူတွေကတော့ ခြံကျယ်ကျယ် တိုက်ကျယ်ကျယ်နဲ့။ အင်း ဘယ်လိုပြောရမလဲ တချို့ကတော့ လမ်းဘေးမှာ တင် ပုဆိုးခြုံကွေးတယ်။

(၂) စားသောက်မှု

အစား အသောက်ကတော့ ပိုက်ဆံရှိရင် သူငယ်ချင်းတွေနဲ့ ကောင်းကောင်း စားတယ်။ မရှိရင်တော့ ကြုံသလို စားလိုက်တာပါပဲ။ မရှိတဲ့ အချိန်တွေက ပိုများနေသလိုပါပဲ။ အင်း ရန်ကုန်မှာ ပိုက်ဆံ သိပ်မရှိလဲ ဖြစ်တယ် သူငယ်ချင်း ပေါရင် အနည်းဆုံးတော့ ထမင်းတနပ်စာ ပြီးတယ်။ မွေးနေ့ပွဲနဲ့ ကြုံရင် ဘီယာ အလကား လိုက်သောက်နိုင်တယ်။ ရန်ကုန်မှာ အပေါင်းအသင်း ၀င်ဆံ့ဖို့ သိပ်မခက်ဘူး။ ပိုက်ဆံများများ သုံးနိုင်ရင် ကောင်းကောင်း စားလို့ရမယ့် နေရာတွေ ပေါတယ်။

(၃) သွားလာမှု

ရန်ကုန်က ဘတ်စ်ကားတွေက ကျပ်ပါတယ် ဆိုတာ ရှေးရှေးတုန်း ကတည်းက လက်သုံး စကားပေါ့။ အခုတော့ အထူးကားတွေ ပေါ်လာပါပြီ။ ဒါပေမယ့် ကျပ်နေတုန်းပါပဲ။ အဲကွန်းမအေးပါဘူး။ တီဗီတွေ မကြည့်ချင်လဲ ကြည့်နေရပါတယ်။ မြန်မြန် ရောက်ချင်တယ်ဆိုရင် ဘီအမ်တွေ စီးပါ။ စပယ်ယာ အဟောက် မခံချင်ရင်တော့ အကြွေတွေ ဆောင်ထားပေါ့။ ကားစီးရင် မတွေးမငေးပါနဲ့။ တိုးဝှေ့တတ်ပါစေ။

(၄) ဆက်သွယ်မှု

ဟန်းဖုန်းနဲ့ စတိုင်ထုတ်ချင်ရင် ရန်ကုန်မှာ ဟန်းဖုန်းကို ၁၅ သိန်းနဲ့ ၀ယ်မလား၊ ၂ သောင်းတန် ကဒ်ဖုန်း ၀ယ်မလား၊ တစ်လကို ၄သောင်းနဲ့ ဖုန်းငှားမလား စသည်ဖြင့် အမျိုးမျိုးရှိပါတယ်။ ဒီလိုမှ မဟုတ်ရင် ကြိုက်တဲ့ နေရာမှာဆက် ပီစီအို ဖုန်းရှိတယ်။ အင်တာနက်ကွန်နက်ရှင်လား အင်း သိတဲ့ အတိုင်းပေါ့။

(၅) ပညာရေး

အလွတ်ကျက်တဲ့ မိရိုးဖလာ ဓလေ့ကြီး မျိုးသုဉ်းသွားစေချင်တယ်။ ခဏခဏ သင်ရိုး ပြောင်းနေတာ မကောင်းဘူး။

(၆) ကျန်းမာရေး

လူတုပ်ကွေး တွေ တွေ့တာ များနေတယ်။ ကျွန်တော်တော့ ခဏခဏ နှာစီး နေတယ်။ တုပ်ကွေးတော့ မဟုတ်ပါဘူး ထိပ်ခပ်နာ ဖြစ်နေတာပါ။

(၇) လူမှုရေး စသည်တို့ အပေါ်သုံးသပ်ချက်များ ။

တချို့က ကြွားတယ်၊ တချို့က တတ်ယောင်ကား လုပ်တယ်၊ တချို့က ခင်ဖို့ ကောင်းတယ်၊ တချို့က သောက်ညင်ကပ်စရာ ကောင်းတယ်၊ တချို့ ကိုယ်ကျိုးသမားတွေပဲ၊ တချို့က အများအတွက် နှလုံးသားကြီးကြီး ပိုင်ဆိုင်တယ်၊ တချို့က ထိုင်ကန်တော့ ချင်လောက်အောင် တော်ကြတယ်၊ တချို့က အပေအတေ၊ ကျွန်တော်ကတော့ ခပ်ချာချာ ကောင်ပဲ။

အားလုံးကို ခြုံငုံသုံးသပ်ရရင် ရန်ကုန်မှာ နေရတာ မွေးရပ်မို့လား မသိ ပျော်တယ်။ ရန်ကုန်ကို ချစ်တယ်။ ရန်ကုန်ဟာ စာတတ်ပေတတ် ခေတ်မှီ အဖိုးကြီး တစ်ယောက်နဲ့ တူတယ်။ ကျွန်တော် ရေးတဲ့ “ကျွန်တော်တို့အားလုံးရဲ့မြို့တော်”ကို ဖတ်ကြည့်နိုင်ပါတယ်။